Lësho faturën sa çel e mshel sytë.

Fatura.al është një aplikacion online për faturim, i ndërtuar për bizneset në Kosovë. Me të krijon dhe dërgon fatura profesionale, ndjek pagesat, menaxhon klientët dhe përgatit Librin e Shitjeve për deklarimin e TVSH-së, të gjitha nga një vend. Punon direkt në shfletues, pa instalim, dhe është falas.

Po, falas përgjithmonë. Krijo llogarinë dhe lësho sa fatura të duash, pa limit dhe pa asnjë pagesë. Faturat, klientët dhe pagesat mbeten të ruajtura në llogarinë tënde.

Sa çel e mshel sytë. Krijo llogarinë, shëno të dhënat e biznesit (ose të dhënat e tua, nëse punon si individ) dhe je gati ta lëshosh faturën e parë. E gjitha zgjat vetëm pak minuta.

Po. Faturat e lëshuara me Fatura.al përmbajnë të gjitha elementet që kërkohen me ligj në Republikën e Kosovës: numrin rendor, NUI-në dhe numrin fiskal, të dhënat e shitësit dhe të blerësit, datën, si dhe normën dhe shumën e TVSH-së. Kur fatura ka TVSH 0%, p.sh. për shërbime te klientë jashtë Kosovës, në të shënohet edhe neni i ligjit që e lejon.

Jo. Fatura.al lëshon fatura tatimore për klientët e tu, jo kupona fiskalë. Nëse shet edhe te konsumatorët fundorë, si dyqan ose restorant, për ato shitje të duhet softuer fiskal i certifikuar nga ATK.

Jo, dhe pikërisht për këtë është ndërtuar Fatura.al. Ti shënon klientin dhe produktet, ndërsa totalet dhe TVSH-ja llogariten automatikisht. Kështu çdokush mund të lëshojë fatura profesionale, ashtu siç i kërkon ligji, edhe pa njohuri kontabiliteti.

Excel dhe Word janë të mira për shumë gjëra, por nuk janë ndërtuar për faturim. Aty numrin e faturës e shkruan vetë, totalet dhe TVSH-në i llogarit me dorë, dhe pagesat i mban mend ose i shënon diku anash. Një gabim i vogël në një qelizë mund të të kushtojë.

Me Fatura.al, numërimi, llogaritjet dhe TVSH-ja bëhen automatikisht. E di gjithmonë cila faturë është paguar e cila jo, klientët marrin kujtesë vetë kur vonohen, dhe në fund të muajit Libri i Shitjeve është gati për eksport. Më pak kohë me dokumente, më pak gabime dhe më shumë kohë për biznesin.

Me vetëm një klik, fatura i shkon klientit me email, si link ose si PDF. Nëse të duhet, mund ta shkarkosh edhe vetë si PDF, për ta printuar ose për t'ia dërguar klientit në mënyrën që të përshtatet.

Po. Çdo faturë mund ta lëshosh në shqip ose në anglisht. Kjo të vjen në ndihmë sidomos kur punon me klientë jashtë Kosovës.

Kur një faturë e kalon afatin e pagesës pa u paguar, Fatura.al i dërgon klientit automatikisht një kujtesë me email. Kështu nuk ke nevojë ta ndjekësh vetë çdo pagesë të vonuar, as t'i telefonosh klientit.

Po. Të gjitha bizneset i menaxhon nga një llogari e vetme dhe kalon nga njëri te tjetri në sekonda. Secili biznes ka faturat, klientët dhe raportet e veta, të ndara nga të tjerët.

Po. Për secilin biznes mund ta shtosh ekipin tënd: shëno emrin dhe emailin e personit, zgjidh rolin (Admin, Editor ose Viewer) dhe ai ka qasje në biznes. Secili sheh dhe bën vetëm atë që ia lejon roli.

E fton kontabilistin me email. Pasi ta pranojë ftesën, ai ka qasje në biznesin tënd dhe i gjen vetë të dhënat që i duhen, pa pasur nevojë t'ia dërgosh faturat një nga një. Kontabilisti mund t'i shohë dhe t'i eksportojë të dhënat, por nuk mund të ndryshojë asgjë.

Po, dhe shumë thjesht. Zgjidh muajin dhe formatin (Excel, CSV ose PDF) dhe shkarko Librin e Shitjeve, gati për deklarimin e TVSH-së në ATK.

Të dhënat e tua ruhen në serverë brenda Bashkimit Evropian dhe janë të enkriptuara. Kopjet rezervë (backup) bëhen rregullisht dhe ruhen në një lokacion tjetër, të ndarë nga serverët kryesorë. Për më shumë detaje, lexo Politikën e privatësisë dhe mbrojtjes së të dhënave.

Vetëm ti, anëtarët e ekipit të cilëve u ke dhënë qasje dhe kontabilisti yt. Përdoruesit e tjerë të Fatura.al nuk kanë qasje në të dhënat e biznesit tënd.

Po. Të dhënat janë të tuat dhe mund t'i marrësh kurdo, në PDF dhe CSV. Mjafton të na shkruash në ndihma@fatura.al dhe t'i përgatisim për ty.

Po. Fatura.al është ndërtuar për Kosovën, por mund ta përdorësh nga çdo vend. Megjithatë, rregullat e faturimit dhe të TVSH-së ndryshojnë nga vendi në vend, prandaj sigurohu që faturat e tua i plotësojnë kërkesat e vendit ku vepron.